Iam antaŭ longa tempo estis riĉulo malsaĝa kaj senscia. Kiam li gastiĝis ĉe alioa riĉulo, li vidis trietaĝan domon altan, vastan kaj brilan. Li ekŝatis tion kaj diris al si mem, “ Mi ja estas ne malpli riĉa ol li. Kial mi ne konstruigu tian etaĝdomon?” Li do senprokraste alvenigis ĉarpentistojn kaj demandis, “ ĉu vi povas konstrui tian etaĝdomon?:” La ĉarpentistoj respondis, “ Jes, ni povas. Tio ja konstruiĝis de ni mem. ” La riĉulo ordonis: “ Konstruu por mi tian etaĝdomon. ” La ĉarpentistoj do obeis lin kaj eklaboris. Ili meziris la sidejon de la konstruaĵo kaj ekmasonis brikojn.
Vidinte tion, la riĉulo neniel komprenis, kion faras la ĉarpentistoj. Li demandis al ili, “ Kian etaĝdomon vi konstruas?” La ĉarpentistoj respondis, “ Trietaĝan domon. ” La riĉulo diris, “ Mi ne volas la malsuprajn du etaĝojn. Konstruu por mi la plej supran unue. ” La ĉarpentistoj respondis, “ tio ja estas ne ebla. Kiel oni povas konstrui la duan etaĝon sen la unua, kaj la trian etaĝon sen la dua?” La malsaĝulo obstinis, “ Mi ne volas la malsuprajn. Vi devas konstrui la plej supran etaĝon por mi. ” Aŭdinte tion, ĉiuj eksplodis de ridego.